Jafer Books 📚

በ1953 ዓ.ም በነጄኔራል መንግስቱ ንዋይ እቅድና ክንዋኔ የተሞከረው መፈንቅለ መንግስት ከከሸፈበት ጊዜ አንስቶ እስከ 1963 ዓ.ም ድረስ ቀስ በቀስ እየጋመ ሄዶ የፀረ ዘውድ ትግሉ የደረሰበትን ደረጃ በሚገባ ያውቃል። ይህንንም እንቅስቃሴ በተመለከተ ከዘባሲል ጋር ጥልቅ ውይይቶችን ያደርጉበት ነበር።ዘባሲልም በማንበብ ካገኘው እውቀት በተጨማሪ ሻምበል ታደለ በጥንቃቄ ያሳውቀው በነበረው መረጃ በተለያዩ የውጭ የፖለቲካ አካላት ድጋፍ ተፈልፍለው በህቡዕ ተደራጅተውና ተዋቅረው ይንቀሳቀሱ ስለነበሩት የዘመኑ የአገር ውስጥ ቡድኖች ማንነትና ዓላማ ደህና እውቀት ነበረው። ከ1962 ዓ.ም ጀምሮ ውስጥ ውስጡን ሲጠናከር የነበረውን የፖለቲካ ቡድኖች የአባላትን ምልመላ ሂደት ለመከታተል ሻምበል ታደለም ምስጢራዊ የስለላ መረቡን በዩኒቨርሲቲው ተማሪዎች ውስጥ ዘርግቶ ነበር።......

የክረምት ሥነ ጽሑፍ ስልጠና !

በገብረጻድቃን ገብረትንሳይ የተዘጋጀው " የትግራይ ፖለቲካ አስተዳደር እና የመሪነት ሚና " የተሰኘው መጽሐፍ በአማርኛ እና በትግርኛ የታተሙት ዕትሞች በመደብሮቻችን ሽያጭ ላይ ነው !

በናሙና ገ/እየሱስ እና በኅሩይ አብዱ አዘጋጅነት የታተመው " ግብር እና ማዕድ ታሪካዊ መዝገበ ቃላት " ክፍል አንድ መጽሐፍ ለንባብ በቅቷል :: መጽሐፉንም በሁሉም መደብሮቻችን ያገኙታል !

ለካ... "ከቤተስኪያን" ወንበር ካህን ሲናገሩ ልማር ተቀምጬ፣ የነፍስና ስጋ ብርቱ ጸብ ላስታርቅ ሳሐሁ ተመስጬ፣ እርግማን አተረፍሁ የአንዲቱን ነጠላ ሳላውቅ ረግጬ። እዚያው ደግሞ ፊቴ ከወንበሩ ጀርባ፣ (ኪስ መሳይ ነገር ውስጥ) አገኘሁኝ መጥሪያ የአንዲት እናት አርባ። "በዚህ ቀን አረፈች። በዚህ ቀን ተወልዳ፣ ትግሏን ጨርሳ ነው ወደ አምላክ የሄደች የለባትም ዕዳ"። የሚል አጭር መልዕክት በአጭሩ ታሪኳ፣ ተጽፎላት አየሁ በፈገግታ ፎቶ በጎራዳ መልኮ እንደ ሰጪው ሳይሆን እንደ ተቀባይ ነው ሕይወት የሚለካ፣ ከኗሪ ስንጠብቅ ከሟች ሰው ይገኛል ልብን የሚነካ።

💥 Readers Feedback | 03 የእውነት ነው የምልህ “ጠይም ትውስታዎችን” አንዴ ከጀመርኩት በኋላ ከተቀመጥኩት መነሣት ነው ያቃተኝ። እያንዳንዱ ታሪክ ውስጥ ያለሁ፣ ያለሁ እንደመሠለኝ ነው የጨረስኩት። ምናልባትም አለሁ፣ አለንበት ይሆናል። ሁኔታና መቼቱ ይለያይ እንጂ ሁላችን አንድ ነን፤ ትውስታችን የጋራ ነው። ጠይም ትውስታዎቼ ውስጥ ተገኝቻለሁ እኔ። ምን እላለሁ ሌላ? cheers 😊 - Meaza Solomon

አንዳንዴ እንዲህ አይነት ነገር አለብኝ በእውነትና በሕልም መሃል ያለውን ቀጭን መስመር ይዛነቅብኛል። በሕልሜ ያየሁት የመሰለኝ ታሪክ የእውነት የኖርኩት ሲሆን ብዙ ጊዜ አጋጥሞኛል። የእውነት መስሎኝ በሰዎች ጉባዔ መሃል እየተረኩት እያለ ደግሞ ሕልምነቱ ይታሰበኛል። እንዲህ እንዱህ እየሆነብኝ አንድን ወሬ ለመጀመር "እውነት ነው ወይስ ሕልም?" የሚለውን ለማጣራት ደቂቃዎች እወስዳለሁ። ይህንን የማይረዱት ቤቶቼ "እርሱኮ ይዘገያል"ይሉኛል። የመስመሩ መዛነቅ ሳያሳስበኝ እንደመጣልኝ ብናገር "እርሱኮ ወፈፎ ያደርገዋል" ማለታቸው እንደማይቀር አውቃለሁ።...