Jafer Books 📚

ETB A

" ዮቶር ፪ " በአለማየሁ ደመቀ ! "የነብስህን ዐይን ክፈትና ተመልከት። መጀመሪያ በሁለመናህ ላይ ስልጣኑን ተቆናጠጥ። በውስጥህ ያለውን ጨለማ በብርሃን ካልሞላኸው በቀር የውጪውን ጨለማ አትገፈውም። ይኽ ጨለማ ከምታውቀው ጨለማ ይጠነክራል እንጂ አይለይም። አካል፣ አዕምሮህን እና መንፈስህን በአንድ አሰልፍ፤ በአንድ ግዛቸው። ያኔ የነፍስህ ዐይን ይከፈትና ማየትም መገንዘብም ትጀምራለህ። ያን እስክታደርግ ድረስ ግን ጨለማው ባደረሰብህ ጥልቅ ፍርሃት ሳቢያ ራስህን በመሳት ጀምረህ ራስህን ጨርሶውኑ ታጣዋለህ። መጨረሻህም ሞት ይሆናል ከንቱ ሞት!" "አንተ ማን ነህ ግን?" አፌን መክፈት በተሳነው ሰላላ ድምፅ ጠየኩት እኔ የምትሰማው ድምፅ ነኝ። ማየት ስትችል ደግሞ ብርሃን ነኝ "የድምፅና የብርሃን ውቅር"ልትለኝ ትችላለህ። አሁን ወደ ውስጥህ ተመለስ። ሁለመናህን ከራስህ ጋር አዋህድ። ያለኸው በአካላዊ ዐይንህ ብቻ የምታይበት ዓለም ውስጥ አይደለህም። የነብስህን ዐይን ክፈት። ቁልፉ ደግሞ ቀላል የው አካልን፣ አዕምሮንና መንፈስን ማዋሀድ ነው።

ETB A

ስለ በዓሉ ግርማ መጻፍና መናገር ጊዜው ደረሰ ተሰዶ ከሆነም ለሰባት አመታት ከተመሸገበት ይወጣል የሚሉ ሞቶ ከሆነም አፅሙ ያረፈበት እርግጠኛ ቦታ ይታወቃል የሚሉ ታስሮ ከሆነም ከእስር ነፃ ይወጣል የሚሉ በዙ አረፈዓይኔ ሀጎስ በዓሉንና ቤተሰቦቹን የሚያውቅ ጋዜጠኛ ነውና የታፈነው የበዓሉ መጽሐፍ ለምን ነፃ አይወጣም የሚል ሀሳብ አመነጨ ይህንን ጥያቄ ይዞ ባለቤቱን ወይዘሮ አልምዝ አበራን አነጋገረ የበዓሉ ባለቤትም ተገኝቶ ነው ወይ አለች ስለበዓሉ በተነሳ ቁጥር ዕንባ የሚያዝለውን ዓይኖን እየጠረገች ተያይዘው ወደ ኩራዝ አሣታሚ ድርጅት አቀኑ የድርጅቱ ስራ አስኪያጅ ማስታወቂያ ሚኒስቴር ከፈቀደ ምን ተዳችን አሉ ወደ ተባለው ሚኒስቴር ቢሮ ሄዱ በወቅቱ ሚኒስር የነበረው በረከት ስምዖንም ቢታተም ተቃውሞ የለንም አለ ተባለ እናም መጽሐፉ በወርሃ ነሐሴ ታትሞ ወጣ ከስምንት የዝምታ ዓመታት በኃላ ልክ እንደ ያኔው ኦሮማይ በወርሃ ክረምት ብቅ አለ ቀደም ሲል ለሕዝብ ቀርቦ ከነበረው መጽሐፍ የተቀነሰ ነገር የለውም የተጨመረ ግን አለው አንዲት ገጽ ብቻ እሱም በዚህች በፊተኛዋ ዕትም ባልተካተተችው ገጽ ላይ ባለቤቱ የሚከተለውን ማስታወሻ ማኖሯ ነው ሐቅን ለማሳወቅ ራሱን አሳልፎ ለመታሰር ለመሰቃየት ለሞት የበቃ ልጆቼን ቤተሰቤን ሳይል ታፍኖ ወጥቶ የቀረውን ተወዳጅ ደራሲ ባለቤቴን በጣም አከብረዋለሁ አደንቀዋለሁም በሚወዳቸው ልጆቹና በእኔም በባለቤቱ ላይ ከፍተኛ ሀዘንና ጭንቀት ቢደርስብንም አንማረርበትም ለእውነት መቆምን በተግባር ያስተማረ ነውና ዘጠኝ ዓመት ያስቆጠረ ቢሆንም እውነት ጊዜዋን ጠብቃ እንሆ ዛሬ የሕይወት መስዋዕት የተከፈለበት ይህ መጽሐፍ ለመታተም በቅቶል እኔም ሆንኩ ልጆቼ እያስታወስነው እያከበርነው እንኖራለን ከእሱ የሚበልጥብን የለምና ፍርዱን ግን ለሰፊው ሕዝብ እተዋለሁ

ETB A

ጌድዮን ጉልበቱን በሙሉ አሰባስቦ ከተንበረከከበት ቀና አለ። ጉም ነገር አይኑን አለበሰው። ወደ ፊት አጥርቶ መመልከት አልቻለም አይኖቹን አሻቸው ግቢውን ወፍራም ጭጋግ ያለበሰው መሰለው። ምንም ነገር ጠርቶ አልታይህ አለው። ግን ከፊት ለፊቱ የሆነ ሰው እየተጠጋው ነው በጭጋጉ መሀል አሻግሮ አፈጠጠበት በደንብ አይታይም። የሰውየው ምስል ውልግድግድ አለበት። ጌድዮን አይኖቹን ለማሸት ሞከረ ግን አልቻለም የገዛ እጁ ከዳው። ውልግድግዱ ምስል ሲጠጋው ታየው ጌድዮን ጨነቀው መተኮስ አለበት መቅደም አለበት ግን አልቻለም እጁ ጠፋበት ጌድዮን ተስፋው ተሟጠጠ። "ጌዲ ተኩስ!" የልዑል ድምፅ በጆሮ ግንዱ ስር ተጠግቶ ያንባረቀ መሰለው። ጌድዮን የገዛ እጁን ፈለገው መተኮስ አለበት መቅደም አለበት። ውልግድግዱ ምስል በጭጋጉ መሀል እየተንሳፈፈ የሚቀርበው መሰለው። ዐይኖቹን በኃይል ጨምቆ ከጨፈናቸው በኃላ መልሶ ገለጣቸው አሁንም ያው ነው ወፍራም ጭጋግ ግቢውን አልብሷት ታየው። በጭጋጉ መሀል ውልግድግዱ ምስል እየተንሳፈፈ እየቀረበው ነው። ጌድዮን ፈራ የምን ሰይጣን እየበረረ እንደሚቀርበው አልገባውም። ብቻ ውልግድግዱ ምስል እየቀረበው... እየተጠጋው... በጭጋጉ መሀል እየዋኘ ወደ እርሱ የሚንሳፈፍ መሰለው። ጌድዮን ጨነቀው እጆቹን ፈለጋቸው የሉም። ጭጋግ ያለበሳቸው ዐይኖቹን ደግሞ ጨፈናቸው እንደገና ገለጣቸው ያው ነው። በመጨረሻ እጁን አገኘው እየተውተረተረ ወደ ፊት የደገነውን ሽጉጥ ምላጭ ሳበው።...

ETB A

ምርጥ መጻሕፍት !

ETB A

በማኅበረሰቡ ውስጥ ስኖር ሁለት ዓይነት እንስሳዊ ባህሪ ይዤ ወዲህ ወዲያ ማለትን ተለማምጄዋለው። በተቻለኝ አቅም እራሴን ሰውሬ እንደ ባሕታዊ ለመኖር እጥራለሁ። እንዲህ ሳደርግ እራሱን ከአደጋ ለመከላከል ቅርጹንና መልኩን የሚቀይር ወይ ቅርፊት ውስጥ የሚገባ እንስሳ ባሕሪ እወርሳለሁ፤ ማንንም ቀድሜ አላጠቃም። የማጠቃው ሊያጠቃኝ የሞከረን ወይ ሊያጠቃኝ ይችላል ብዬ ሳስብ ነው። እንዲህ ሲሆን ሁለተኛውንና አደጋ ሲመጣበት ወይም የመጣበት ሲመስለው ያለ ርህራሄ የሚያጠቃውን አውሬ ባሕሪ የምይዝበት ነው። ከእኔ መሻላቸውን ለማሳየት የሚሞክሩ፣ የልጅነት ሕመሜን የሚቀሰቅሱ (ወይም ሊቀሰቅሱ ነው ብዬ የምጠረጥራቸውን) አመለጥኩት ያልኩትን ያለፈ ታሪኬን አንስተው በሱ የሚያጠቁኝን፣ ቁልቁል የሚያዩኝ፣ ወይም ሊያዩኝ የሚፈልጉ ሲያጋጥሙኝ ያለምንም ርህራሄ ውስጤ አድብቶ የተኛውን ሁለተኛውን አውሬ እለቀዋለሁ። በጥቃቴም የቆሙበትን መሬት ገደል የተቀመጡበትን ወንበር እሳት አደርግባቸዋለሁ። ሕይወቴ በሙሉ እንዲህ ባለ ውጊያ የተሞላ ነው። አንዳንዴ እንዴት እንዳልታደልኩ አስባለሁ። ልጅነቴን ወይ የልጅነት ጉዳቴን ስሸሽ እንድኖር የተፈረደብኝ ይመስለኛል። ልርሳው ብል አልችልም፤ ልተው ብል ያቅተኛል። ልጅነቴ እየተከተለ የዐዋቂ ሕይወቴን እንደዋዛ እያመሰ ያቃውሰዋል።

ETB A

ይሄ የጥቂት ሰዓታት ጉዞ ላለፉት አስር ዓመታት በሁካታ መሃል ከተጓዝኩት ጉዞ የበለጠ ድንቅ ሆነብኝ። እስካሁን በሁካታው መሃል ያላስተዋልኳቸው የገዘፉ ቁም ነገሮች ፍንትው ብለው አፈጠጡብኝ። ተራ በተራ እየወጡ ታውቃለህ ወይ?...ታስታውሳለህ ወይ?...እያሉ አናትና ጅራት አውጥተው ፊቴ ይንጎማለሉ ጀመር። ለመሆኑ ማነው ዝምታን "ዝም-እታ" ብሎ የተረጎመው? እስከ ዛሬ ለካ እኔ የሌሎችን፤ ሌሎችም የእኔን ስሜት ነው ትርጉም ስንሰጥ የነበርነው።እኔም የራሴን፣ እነሱም የራሳቸውን ስሜት ትርጉም ሰጥተው ቢሆን ኖሮ ከመጀመሪያው ትርጉም በተቃረነ ነበር። የእኔ ዝምታ ፤ ዝም-እታ'ነቱ ለሌላው ተመልካች ነው። ለእኔ ግን ተሰምቶ የማያቅ ታላቅ የነፍስ ኡኡታ ነው። አናትን በሁለት እጅ ጠፍረው የሚያስነኩት ዓይነት ኡኡታ። ማነው ታዲያ "ምነው ዝም አልክ?" ብሎ ጠይቆኝ ትክክል የሚሆን?

ETB 222,018

የመጽሐፍ ፊርማ ስነስርአት የፊታችን ቅዳሜ ግንቦት 22 2018 ከቀኑ ስምንት ሰአት ጀምሮ በብርሃን አስፋው የተደረሰው እንዲሁም በአድሃኖም ምትኩ እና በዮሐንስ አዝመራው የተዘጋጀው " የጨረቃ ብርሃን " የተሰኘው መጽሐፍ ለገሃር ተወልደ ሕንጻ ስር በከፈትነው አዲሱ የጃዕፈር መጻህፍት መደብር የፊርማ ስነስርአት ይካሄዳል ::

ETB A

ቤተሰብ ማሻአላህ♥️♥️ እንኳን ለ ኢድ አል-አድሀ በዓል በሰላም አደረሰን አደረሳቹ🎉🎉ኢድ ሙባረክ🎉🎉 ጃዕፈር መጸሐፍት

ETB A

በኤልሳ ሙሉጌታ የተደረሰው " ሐምራዊ ተረኮች " የተሰኘው መጽሐፍ በመደብራችን ይገኛል !

ETB A

የ”እናቴ ሮሚዮ” የተሰኘዉ የ “ስመኝ ግዛዉ“መፅሀፍ ገበያ ላይ ዋለ።መፅሀፉንም አዲስ በከፈትነው መገናኛ መሰረት ደፋር ህንፃ ሰር በሚገኘው ቅርንጫፍ እንዲሁም በሁሉም ቅርንጫፎቻችን ያገኙታል። ☎️09-11-93-20-88 09-11-12-53-24